Shëndeti mendor i burrave: Është koha për të folur

Mirë se vini në buletinin e dytë të numrit tonë me dy pjesë për shëndetin mendor të burrave, redaktuar nga i ftuari ynë Glenn Lutz. Studimet tregojnë se 40% e meshkujve hezitojnë të flasin për shëndetin e tyre mendor, prandaj kjo temë ka nevojë për vëmendjen tonë. Ndihem shumë me fat dhe krenare të them se në buletinin e Service95 të kësaj jave miku dhe bashkëpunëtori im prej shumë kohësh, Mark Ronson, ka shkruar një artikull të mrekullueshëm për çrregullimet e tij të panikut. Marku ka qenë gjithmonë dikush që më ka frymëzuar thellë, me muzikën e këngët që ka kompozuar dhe gjurmët që ka lënë në industrinë e muzikës. Dhe vazhdon të më frymëzojë me çiltërsinë rreth shëndetit të tij mendor dhe se si ai e ka përballuar ankthin ndër vite. Shpresoj që kushdo që e lexon këtë dhe po has në vështirësi është gjithashtu i frymëzuar për të kërkuar ndihmë dhe është i ngushëlluar nga fakti se ka njerëz që ndodhen në të njëjtën situatë, sepse tek e fundit nuk ka asnjë problem të mos ndihesh mirë. E gjitha kjo është pjesë e rrugëtimit të jetës dhe gjithmonë do të gjendet dikush që do t’ju ndihmojë gjatë tij. 

Dua x

ABONOHUNI TE DUA LIPA: AT YOUR SERVICE