Një mesazh nga Dua
Në Afganistan ai quhet “shpëtimtar”, por për mua, ai është miku im Amed Khan. Amed ka kaluar vite duke punuar në zona konflikti si Siria dhe Somalia; tani ai po shpëton jetë në Afganistan, pasi ka evakuuar 1500 njerëz në vende të sigurta deri më sot. Afganistani po na shpërthen para syve. Që nga tërheqja e forcave perëndimore dhe pushtimi pasues nga talebanët, ekonomia ka rënë, 23 milionë njerëz janë në prag të urisë dhe një milion fëmijë janë në rrezik për të vdekur nga uria. I kërkova Amedit këndvështrimin e tij, për të na çuar nëpër skenat e tmerrshme të kaosit gjatë pushtimit të talebanëve dhe luftën tashmë të përditshme për mbijetesë. Nuk është diçka që lexohet lehtë, por ashtu siç më ka frymëzuar mua, shpresoj t’ju frymëzojë edhe ju për të menduar se çfarë mund të bëjmë për të shmangur një krizë humanitare që shkon përtej imagjinatës. Mënyra më e mirë për t’ia filluar? T’ju kërkojmë qeverive të lirojnë lakun që i është vënë ekonomisë afgane dhe të dërgojnë ndihma për vendin tani. Është realisht një çështje jete a vdekjeje. Puthje, Dua