Kjo risi unike... Fire Island

Protagonisti komedian dhe skenaristi Joel Kim Booster, (i cili gjithashtu do të debutojë në skenë në Netflix, në shfaqjen speciale Joel Kim Booster: Psychosexual më vonë këtë muaj), i Fire Island tregon për një grup të ngushtë miqsh “queer” – që përfshin edhe komedianin SNL Bowen Yang (gjithashtu një i ftuar në Dua Lipa: At Your Service), bashkëprezantuesi i tij në Las Culturistas, Matt Rogers dhe legjenda e komedisë Margaret Cho – ndërsa kalojnë pushimet së bashku në enklavën kryesore të homoseksualëve të Nju Jorkut. Filmi të ofron ngrohtësi dhe gëzim “queer”, i cili vlerëson momentet e vogla, të tilla si shakatë e sajuara argëtuese vetëm për atë grup miqsh. Edhe pse ka një komplot thelbësor, filmi shpaloset më së miri në këto situata më të qeta, duke u kthyer herë pas here te vlera e gjetjes së grupit ku bën pjesë.