Jennifer Daniel: Gruaja që po prezanton gjeneratën e re të emojis
Pozicioni i punës së Jennifer Daniel tingëllon i sajuar. Ajo në fakt është përgjegjëse për Emoji Subcommittee për Unicode Consortium, që do të thotë se është ajo që vendos për emoji të rinj dhe monitoron se si këto simbole ndikojnë në jetën tonë në internet. E rëndësishmja, duke pasur parasysh se modelet e kaluara të emoji janë akuzuar për seksizëm, ajo është gjithashtu gruaja e parë në këtë rol.
Daniel, e cila është në këtë pozicion që nga viti 2020, pranon se ka pasur “disa përvoja të këqija shumë të dukshme”, por qasja e saj ndaj gjithëpërfshirjes ka qenë për ta bërë më të thjeshtë.
“Instinkti im nuk ishte për të shkuar më në detaje, por më pak”, thotë ajo teksa tregon emoji “dora me gishtin tregues dhe gishtin e madh të kryqëzuar”, që ndonjëherë njihet si “zemra e gishtave”. “Ai u krijua për të përfaqësuar gjëra të ndryshme për njerëz të ndryshëm dhe për arsye të ndryshme. Nëse do të kishim shtuar një zemër të vogël sipër, nuk do të kishte të njëjtin fleksibilitet”.
Këto hieroglife të vogla i kemi përdorur, në një formë ose në një tjetër, për rreth 40 vjet dhe domethëniet e tyre diskutohen dhe ndryshohen pafundësisht; gishti i OK i cili konsiderohet agresiv-pasiv nga Gen Z ose emoji i gishtave me manikyr i cili ka kuptime të ndryshme në varësi të gjeneratës (për disa do të thotë atmosferë mospërfilljeje, ndërsa për të tjerët do të thotë tërheqje). Pastaj ka nga ato të përdorura në një mënyrë që Emoji Subcommittee nuk e kishte menduar. Thjesht mendoni për arkivolin (që është për të qeshur) ose patëllxhanin famëkeq. Por Daniel i pranon me shumë entuziazëm këto momente. “Më pëlqen”, thotë ajo. “[Kjo dëshmon se] gjuha është pafundësisht krijuese”. Të preferuarat e saj, në fakt, nuk janë aq shumë ato që kuptohen nga shumica e njerëzve, por ato më personale. “Fola me një çift që më tha se kur i dërgojnë njëri-tjetrit ndonjë emoji zemre kjo ishte paksa shumë serioze, por duke qenë se të dy i pëlqenin picat, kjo ishte mënyra e tyre për të thënë se kujdeseshin për njëri-tjetrin”.
Në vitin 2020, Daniel kontribuoi në krijimin e Emoji Kitchen, që i lejon përdoruesit të përziejnë dy emoji, si emrat e përbërë të shkurtuar në stilin portmantò. “Mund të zgjedhësh fytyrën me zemra dhe më pas fytyrën e zemëruar për të thënë, ‘të dua por nuk më pëlqen ajo që thua’”, shpjegon Dianel.
Ndërsa kjo mund të shndërrohet në gjeneratën e ardhshme të emoji, Daniel thotë se e ardhmja në fakt i referohet së kaluarës. “Nëse kthehemi pas në kohë, te dorëshkrimet e ndriçuara, do të shohim se teksti dhe imazhet ishin të shkrira në një… Dhe tani kjo teknikë po kthehet. Mendoj se është shumë emocionuese”.
Lauren Cochrane është shkrimtare me përvojë e modës për “The Guardian” dhe autore e librit The Ten
