5 markat indiane të bizhuterive që të gjithë duhet t’i vërejnë
Për një kohë të gjatë, bizhuteritë indiane jepnin idenë e një salltaneti të ekzagjeruar – një dehje Maharaja, -mund të them. Megjithatë, një grup krijuesish në rritje po përdorin origjinën dhe kulturën e tyre të mjeshtërisë për të krijuar sende tërësisht moderne për të përmirësuar gardërobën në rang global, qoftë në Mumbai apo Milano. Këto janë vetëm disa nga markat që duhet t’u kushtoni vëmendje…
- Misho Lady Gaga, Beyoncé, Rihanna dhe Naomi Osaka janë mbështetëse të kësaj marke. Themeluesja Suhani Parekh i shikon bizhuteritë përmes lenteve të artit në veshje, në mënyrë që çdo dizajn të trajtohet si një skulpturë, qofshin xhaketat moderne “AirPod”, vathët rrathë XL apo varëset e saj me shenjën e horoskopit.
- Outhouse Në tregun e bizhuterive avangarde me një gërshetim të hijshëm? Motrat Kaabia dhe Sasha Grewal mendojnë për ju. Qofshin varëse me lule të guximshme, varëse prej ari që janë në qendër të vëmendjes apo ato me disa zinxhirë, secila prej tyre është një ndërthurje e mprehtësisë dhe elegancës.
- Lune Kjo markë indiane e drejtuar nga femrat, e themeluar në brigjet e Goas, imiton format (dhe fazat) e hënës. Të preferuarat tona? Rrathët dhe byzylykët e shumtë nga koleksioni “Crater”, të cilat janë punuar me dorë me ar të shkrirë.
- Olio Të zhytura në nostalgji, këto pjesë artistike rrjedhin nga historia e Azisë Jugore dhe hajmalitë e lashta për të krijuar trashëgimi moderne. Varëset sugjestionuese “Choker” me monedha nga periudha të ndryshme dhe unaza me gdhendje urdu.
- Bhavya Ramesh Kjo stiliste bizhuterish, që ka mësuar në mënyrë autodidakte, e kanalizon stilin e saj të brendshëm bohemian dhe derdh dashurinë e saj për kulturën dhe ngjyrën në modelet e saj maksimaliste, uniseks. Kjo estetikë maksimaliste e parë në syzet, unazat dhe bizhuteritë e stolisura të flokëve i referohet komunitetit Banjara (nomadik) të Indisë.
